காலையில் நீராடி பாப்பா - நீ
புத்தாடை உடுத்திக்கொள் பாப்பா
கடவுளைக் கும்பிட்ட பின்னிங்கே
கொண்டாட்டம் களைகட்டும் பாப்பா
இனிப்புகள் பகிர்ந்துண்டு பாப்பா - நீ
இனிமையாய் மகிழ்ந்திடு பாப்பா
தீமையது தோற்றதைப் பாப்பா - நாம்
தீபாவளி கொண்டாடுவோம் பாப்பா
நண்பர்கள் உறவினர்க்கு பாப்பா - நீ
நல்வாழ்த்துச் சொல்லிவிடு பாப்பா
பட்டாசுகள் வெடித்தே பாப்பா - நீயும்
பத்திரமாய்க் கொண்டாடு பாப்பா
பறவைகள் பயப்படாது பாப்பா - இந்தப்
பூமியில் பட்டாசு வெடித்தால்
விலங்குகட்கும் வேதனை இல்லை - நீ
வெடிகளைப் பத்திரமாய் வெடித்தால்
ஒருநாள் கொண்டாட்டம் பாப்பா - யார்க்கும்
பெருந்துன்பம் இருப்பதில்லை பாப்பா
அடிப்படை புரிந்தே பாப்பா - நீயும்
அகமகிழ்ந்து கொண்டாடு பாப்பா
- பார்வதேயன்.
